信記避風塘海鮮美食

營業中

休息中

第一次去避風塘🌊，完來只係一個好細泊船嘅地方。黎呢度食野係食風味，因為係要上一架船仔上面食飯，好彩夜晚有海風，唔係太熱。船上環境一般，唔會有靚風景，而且整感覺衛生情況一般。洗手間係半開放式，如果有朋友要去洗手間，其實就係你隔離去，去落個海度，而且無得洗手...感覺唔係幾好...我地叫左一個六人全包套餐C($2080)：白灼基圍蝦古法避風塘炒肉蟹避風塘豉椒炒青口白灼東風螺蒜蓉蒸聖子王香蒜娃娃菜豉油皇蟹油炒麵艇仔粥/ 燒鴨瀨飲品其中比較欣賞係聖子王同避風塘炒蟹。 聖子王唔算好大隻，但尚算鮮甜。炒蟹上面嘅炸蒜炸得好惹味可口 ，肉蟹泡至殼都係脆脆地，啲肉算係足，幾鮮甜, 有蟹膏。其他食物都好一般。價錢方面一啲都唔便💸💸，相比之前係屯門三聖食海鮮，我覺得三聖食好多又抵好多，包房唱k玩成晚，食埋每人都只係二百零蚊，呢度就真係食風味，但係我未心必會黎第二次。