Sage Bar

營業中

休息中

又到Happy Friday，今晚再戰Sage。叫左支House white黎個飲飽食醉。今次叫咗個顏色好鮮艷嘅沙律。個名叫美式考伯沙律（個名好好難讀）我好鍾意食牛油果，感覺好清新，沙律醬唔會太濃同好開胃，不過個68度溫泉蛋變咗唐心蛋。主菜叫咗兩款，分別係三文魚威靈頓同埋蟹肉帶子鹹蛋黃自家製意大利麵。平時食開威靈頓都係牛肉，今次轉咗做三文魚做餡，好有新鮮感，入邊仲加咗啲紫薯同菠菜，個味道有好多種層次。其中一款配菜係一啲炸左嘅葉，我覺得好好食，問左經理係咩嚟，原來係蘿蔔上邊嘅葉，佢哋炸咗黎做配菜，環保又好食。蟹肉帶子鹹蛋黃意大利麵嘅鹹蛋黃汁好濃郁，依個中西合迫嘅組合好新鮮。蟹肉份量多同鹹蛋黃好夾，不過帶子就薄咗少少，如果帶子厚返啲就perfect。今晚我地嘅甜品係Gelato雪糕，分別係朱古力、Caramel同埋雲呢拿，好滿足嘅一餐。