影片
更多
2020-11-23
318 瀏覽
難得嚟到九龍灣行, 當然要試吓出名嘅大渣哥啦。 Tea time 嚟到, 都有好多嘢揀, 我點咗幻彩詠西多, P san 就因為都幾餓吓, 所以點咗個 XO 醬叉燒葱花滑蛋飯。首先講咗喱個 XO 醬叉燒葱花滑蛋飯先, 飯量都算多, 而且係我同 P san 都鐘意食嘅硬飯, 粒粒分明, 上面舖滿滑蛋, 蛋味香濃, 蛋當中夾雜住一塊又一塊叉燒, 仲有炒香咗嘅熟洋蔥, 有滑蛋口感之餘, 仲有爽脆口感, 再配埋放喺蛋上面嘅少少 XO 醬, 辣辣地刺激味雷之餘, 又有蝦米炒香咗嘅香味, 仲有乾瑤柱嘅鮮味, 唔單止可以作為少少嘅點綴, 仲令個飯更惹味。 到我點嘅幻彩詠西多啦, 係厚西多, 睇落都幾大份, 食落外面脆而有少少蛋味, 入面中間塗有粗粒花生醬, 花生味令成個西多更香, 粗粒花生更有口感同可口, 嚟到時熱辣辣, 配埋半溶嘅牛油, 賣相相當不錯, 再加埋糖漿, 太邪惡啦, 只可以間唔時食一次, 所以真係好耐無試過嘅味道。另外, 餐牌同埋食物命名都睇得出落咗好多心思, 再加埋疫情, 令店入面要用膠板間開每張枱, 但每塊膠板都寫有香港人嘅心聲, 希望佢繼續做香港人嘅茶餐廳。 By the w
首先講咗喱個 XO 醬叉燒葱花滑蛋飯先, 飯量都算多, 而且係我同 P san 都鐘意食嘅硬飯, 粒粒分明, 上面舖滿滑蛋, 蛋味香濃, 蛋當中夾雜住一塊又一塊叉燒, 仲有炒香咗嘅熟洋蔥, 有滑蛋口感之餘, 仲有爽脆口感, 再配埋放喺蛋上面嘅少少 XO 醬, 辣辣地刺激味雷之餘, 又有蝦米炒香咗嘅香味, 仲有乾瑤柱嘅鮮味, 唔單止可以作為少少嘅點綴, 仲令個飯更惹味。
XO 醬叉燒葱花滑蛋飯
$56
22 瀏覽
0 讚好
0 留言
到我點嘅幻彩詠西多啦, 係厚西多, 睇落都幾大份, 食落外面脆而有少少蛋味, 入面中間塗有粗粒花生醬, 花生味令成個西多更香, 粗粒花生更有口感同可口, 嚟到時熱辣辣, 配埋半溶嘅牛油, 賣相相當不錯, 再加埋糖漿, 太邪惡啦, 只可以間唔時食一次, 所以真係好耐無試過嘅味道。
幻彩詠西多
$30
29 瀏覽
0 讚好
0 留言
另外, 餐牌同埋食物命名都睇得出落咗好多心思, 再加埋疫情, 令店入面要用膠板間開每張枱, 但每塊膠板都寫有香港人嘅心聲, 希望佢繼續做香港人嘅茶餐廳。 By the way, 我同 P san 喺櫃檯等員工幫我哋埋單嘅時候見到譚小環, 見佢同啲員工有講有笑, 係一個落力又好嘅老闆娘, 不過佢真係瘦咗啲囉 😝 。
張貼
