K2 Kitchen (已結業)

前排經過朋友嘅極力推介下,試左同一集團旗下嘅i kitchen,食物質素令我相當滿意,所以決定同男朋友試埋依間K2 kitchen,果然冇令我失望。廚師餐湯係帶子薯仔煙肉湯,薯仔已經煮得徹底溶化,飲落綿密帶有煙肉香氣。豬扒非常之厚被煎得金黃色同焦香,而且帶有香脆口感。一切落去肉汁已經澎湃地湧出,而且食落軟淋得黎帶有咬勁。特別係帶有脂肪嘅位置更添一份油香。配上意大利黑醋酸酸甜甜嘅味道可以解膩,越食越開胃。肉眼扒選擇左五成熟,煎得啱啱好同我所要求嘅熟度符合。肉質軟淋配上黑椒得啱啱好。連餐飲都非常之高質,我所選擇嘅凍鮮奶朱古力,朱古力味濃厚。只要加$10就可以享用甜品每日嘅甜品款式都唔一樣。當日咁啱就係檸檬芝士蛋糕,味道非常清新。最值得一讚就係佢嘅伴碟畫,非常之有心思,令人賞心悅目。未品嚐甜品就係見到半碟已經好開心。