MOS Burger (已結業)

元朗終於都有burger 連鎖店進註！今日試呢間MOS burger。一入到去，每張檯都at least 有一個人，淨番最遠近側門既一張「雙人檯」。但係果度好奇怪，完全唔夠空間，仲要擺兩個位，根本入都入到去…叫左個摩斯湯意粉餐。最初一度諗「摩斯湯」係咩黎架呢﹖見圖就似蕃茄湯。睇埋英文才發現，哦…原來係「mos」直譯做中文做招牌菜…沙律混左千島醬，酸酸甜甜。d 蛋無任何調過味，味道好淡。意粉則唔錯，個粉帶點硬身，口感煙韌，蕃茄湯幾濃稠。餐飲可叫汽水、奶茶咖啡檸茶或者粟米湯，除左凍咖啡講明要加$3 其餘都唔使。點左凍奶茶，好淡。間快餐店有送餐服務的。Overall $26，都接受到，可以番頭幫襯。