影片
更多
2013-08-08
1281 瀏覽
一早已經知道呢度食lunch好多人，所以早左少少未夠鐘就出發。去到都未夠十二點，但係已經有差唔多十幾人喺門口等緊，好誇張。餐廳非常有性格，未夠十二點係唔會開門俾你入去坐先，不過好在只係等多分鐘，都叫做勉強可以接受。Anyway，佢地set-lunch既款式天天不同，每日都會有兩款俾你選擇，包埋野飲都只係$50幾蚊，喺中環黎講都算係幾抵。香茅豬扒撈檬︰以$50幾蚊包野飲既價錢黎講，碗撈檬可以有咁大塊既豬扒都算比較意外。如圖所見，塊豬扒可以切開七至八舊，非常唔錯。至於撈檬方面，感覺雖然似係一早整定晒再擺塊豬扒上去（order左唔夠3分鐘就有得食！），不過整體口感唔錯，加左撈檬既汁之後都唔會話太過乾身，而且配菜都好豐富，芽菜絲、蘿白絲、蒜頭等等惹味不特止，重可以刺激味蕾令胃口大增。不過，食完蒜頭之後自不然會有口氣既問題，所以對於要飯後要見客既人可能就唔係咁適合喇！生牛河（$50）︰一心想黎試佢既signature dish，而最後都總算無令我失望。同一般坊間既生牛河唔同，喺呢度既生牛河係比較少見既真正「生」牛，上枱既時候D牛重係紅紅地色既生肉，真真正正可以自由控制「幾多成熟」，自然可以食得出
香茅豬扒撈檬︰以$50幾蚊包野飲既價錢黎講，碗撈檬可以有咁大塊既豬扒都算比較意外。如圖所見，塊豬扒可以切開七至八舊，非常唔錯。至於撈檬方面，感覺雖然似係一早整定晒再擺塊豬扒上去（order左唔夠3分鐘就有得食！），不過整體口感唔錯，加左撈檬既汁之後都唔會話太過乾身，而且配菜都好豐富，芽菜絲、蘿白絲、蒜頭等等惹味不特止，重可以刺激味蕾令胃口大增。不過，食完蒜頭之後自不然會有口氣既問題，所以對於要飯後要見客既人可能就唔係咁適合喇！
生牛河（$50）︰一心想黎試佢既signature dish，而最後都總算無令我失望。同一般坊間既生牛河唔同，喺呢度既生牛河係比較少見既真正「生」牛，上枱既時候D牛重係紅紅地色既生肉，真真正正可以自由控制「幾多成熟」，自然可以食得出肉既質感同埋新鮮既感覺！至於河粉方面，雖然都係D基本野，但係河粉煮到腍腍地卻唔會好似一pat野咁，絕對收貨。
雖然食物整體質素唔錯，但服務態度認真麻麻，基本上可以用冇黎形容。食完即刻收晒枱上面既野唔在講，出去俾錢既時候重要黑口黑面一句「多謝」都冇。見到出面果條長長既人龍，我覺得佢地可能真係抱住唔憂做既態度，「多一個唔多，少一個唔少」既心態，再貫切一貫「出左名就變臉」既永恒不變既定律！
張貼
