德興火鍋海鮮酒家 (已結業)

在創興樓下收到一張"$58"任食火煱的傳單，都預左佢會收豉油費收辣椒費，價錢堆單一定每人過百，但最不滿的有以下三樣野：a) D 菜根本完全無洗b) 個餐牌有句野寫住，如在晚上九時半後埋單加收$20，我地在八時二十分入席，同部長講，佢先話會在你入席後兩小時計，我諗如果我地唔出聲，佢又側側膊收埋，不過我諗做果度D　侍應都時常俾客責怪，真慘！c) 佢一見到我地自備紅酒，即話要收開瓶費$20，嘩! 真係好high，要收開瓶費，是高級餐廳來，當然公司政策，d 打工O既，在堆單前同客講又死，在堆單後先講眾死。老實講，每人一百元費用，其實有大把選擇，使咩勞氣!如果大家看完我呢篇評論還去幫襯呢間旺角德興火煱，除非你係德興d 家人。