影片
更多
2020-10-23
173 瀏覽
本身好鍾意食正宗嘅越南菜睇到有人話呢度新開幾正宗就諗住去試下 兩個人叫咗四樣嘢蕃茄蟹檬 $88牛油雞翼 $68越式春捲 $78牛肉串燒 (兩串) $48首先蟹檬好快就嚟咗，個湯係完全冇蟹味，得番茄同香茅嘅味，都算啦咁嘅價錢我都唔期望佢係真材實料咁用好多蟹嚟煮個湯頭，本身冇乜期望所以都冇失望，附送用嚟放落湯嘅芽菜同香葉都唔係好新鮮其餘三樣嘢係新鮮整嘅所以就等咗一陣陸續先上。首先個牛油雞翼有好多炸蒜黐住喺度，炸得幾惹味又保留到肉汁，略嫌啲炸蒜少少蓋過咗牛油嘅香味個牛肉串燒賣相睇落好似幾好，一食不得了，個牛肉係入口即化，唔好意思，係落咗鬆肉粉嗰種化跟住個春捲嚟到我真係下咗一聲，只有四小件，係茶樓食到嘅春捲一半嘅size，盛惠78蚊... 重點係味道毫無特別，如果用佢畀埋嘅生菜包住一齊食就更加乜味都食唔到... 我係由ig得知呢間新開嘅餐廳，亦都見到佢哋soft opening期間有九折優惠。有枱客人問係openrice book唔到枱但係會唔會照有九折，個經理就話冇 (佢地應該係唔知唔使book都會有優惠)，但當我之後同經理講我喺ig見到個優惠佢就話可以照做返個九折俾我(??)，希望餐廳要做
睇到有人話呢度新開幾正宗就諗住去試下
兩個人叫咗四樣嘢
蕃茄蟹檬 $88
牛油雞翼 $68
越式春捲 $78
牛肉串燒 (兩串) $48
首先蟹檬好快就嚟咗，個湯係完全冇蟹味，得番茄同香茅嘅味，都算啦咁嘅價錢我都唔期望佢係真材實料咁用好多蟹嚟煮個湯頭，本身冇乜期望所以都冇失望，附送用嚟放落湯嘅芽菜同香葉都唔係好新鮮
番茄蟹檬
$88
6 瀏覽
0 讚好
0 留言
其餘三樣嘢係新鮮整嘅所以就等咗一陣陸續先上。首先個牛油雞翼有好多炸蒜黐住喺度，炸得幾惹味又保留到肉汁，略嫌啲炸蒜少少蓋過咗牛油嘅香味
個牛肉串燒賣相睇落好似幾好，一食不得了，個牛肉係入口即化，唔好意思，係落咗鬆肉粉嗰種化
跟住個春捲嚟到我真係下咗一聲，只有四小件，係茶樓食到嘅春捲一半嘅size，盛惠78蚊... 重點係味道毫無特別，如果用佢畀埋嘅生菜包住一齊食就更加乜味都食唔到...
我係由ig得知呢間新開嘅餐廳，亦都見到佢哋soft opening期間有九折優惠。有枱客人問係openrice book唔到枱但係會唔會照有九折，個經理就話冇 (佢地應該係唔知唔使book都會有優惠)，但當我之後同經理講我喺ig見到個優惠佢就話可以照做返個九折俾我(??)，希望餐廳要做優惠嘅話唔好做到咁小家...
差唔多食到尾聲嘅時候， 有staff走埋嚟想收我隻碟，重點係我根本未食完，仲有食物喺隻碟度，所以冇比佢收。話口未完又有另一個staff想收我隻碟，今次我態度有啲強硬話我仲未食完，跟住佢走咗。我同男友講笑話如果仲有第三個人走埋嚟我諗我會反枱，點知真係有！！ 好彩佢喺我未發火之前俾第一個staff拉走咗佢。當晚係冇乜客人，起碼有一半吉枱， 我唔知啲staff係想趕客定係太得閒冇嘢做喺度玩收碟...
好心做下staff training啦，問menu點解冇我喺網上見到嘅法包，個侍應支支吾吾話得午市有但可以照做畀我，但係價錢會貴啲，問佢幾錢佢就好似求其噏咗個價錢出嚟咁，我真係無言以對
總括而言間嘢開正係時代廣場對面，咪又係諗住做打工仔同遊客嘅生意，可想而知會有幾正宗
張貼
