永華麵家 (已結業)

今日難得過海去會展睇下展覽，又記得之前睇到灣仔又有一間老店要準備執，所以就特登黎到呢度朝下聖，唔係過多2個月就冇得再食。等候永遠係辛苦嘅，雖然我去到係3點半，唔係食飯時間，但都有條人龍，排左半個鐘先入得去坐，仲要我係一個人，如果唔係仲要等。其實唔洗睇餐牌，我已經諗好左食乜，一定係試下佢嘅招牌雲吞麵，同埋外賣2碗陳皮紅豆沙番屋企孝敬兩老。落左單都係漫長嘅等待，外賣紅豆沙好快到，但堂食嘅雲吞麵我等左足足半個鐘，都有人因為等得耐而鼓譟。但我心諗，你黎到呢度應該都預左啦～雲吞麵一黎，我就諗，啲雲吞呢??原來喺晒底，粒粒都好透視，見到就想食啦！啲蝦又大隻又新鮮，食到我耳仔郁郁！回家食左紅豆沙，其實即刻食一定係再好食啲，不過啲紅豆沙真係好細滑。價錢係貴架，但一次半次，而且過左8月就冇得食了，點都抵嘅。