良辰吉時 (已結業)

呢排興起飲黑糖珍珠奶茶，呢間良辰吉時聽講要排一個鐘，放假即刻黎試下。去到見到排隊人數唔多，只有十幾個人係前面，拎左餐牌...我望左好耐都唔見有黑糖珍珠奶茶個名，都搵唔到佢賣幾錢一杯，但係周圍既人都拎住呢杯野，我就上網搵下佢個名，原來佢叫"啵爆黑糖厚鮮奶"。排左3個字就買到啵爆黑糖厚鮮奶$36杯野飲最面層有泡沫，珍珠有用黑珍煮過，咬開珍珠會有濃濃黑糖味，而且有足夠既黑糖溝埋d 都好夠味，不過珍珠淋左小小，價錢有小小貴，但我都覺得好好飲。可能有人會覺得太甜，但我覺得呢樣野好睇個人口味，都係要試左先知岩唔岩飲。