小火山 (已結業)

首先火鍋醬料及蝦片要另外加錢，未落單已經放係枱面，店員唔會主動講。我哋兩人叫左一個火鍋拼盤（豬肉，五花肉，魷魚）生蝦杯，一碟椰菜總共500幾蚊。上菜嘅時候店員突然話要收走枱面上既泰式三色醬換另一兜，有食過泰式火鍋嘅人，就知道三色醬汁先係個靈魂，而且我哋喺上菜之前已經點左啲醬汁，無啦啦話要收返令到我哋好愕然。店員解釋：因為我哋叫嘅嘢食唔包呢個三色醬😹😹我同朋友堅決要留低個醬，店員今次破例比你地，正常要再另加收費最後埋單收費項目，其實都有收我地醬汁費$28/位，我地更加唔明點解當時想收走我地啲醬