影片
更多
2010-09-26
58 瀏覽
因為朋友上次6:00去到都已經要等位,所以今次5:30到,但一個人都無...坐到6:00後開始多人之後爆晒!我地4個人叫左8樣野:木瓜沙律- 第一口覺得幾辣,但食食下又覺得ok喎,酸酸辣辣咁好開胃!泰式咖哩蟹- 個咖哩超好味!!蟹就好多膏,連個蟹蓋都頂晒膏,可惜就無乜蟹味,而且個汁好快就變凍,不過味道真係好好蒜蓉包- 面頭有d蒜蓉粒,整得好香口,加埋咖哩蟹個汁來食,超好味!!一定要咁配搭泰式通菜- 我個人唔係好食得辣,覺得辣左少少,不過都好味!生蝦刺生- 蝦都算新鮮,肉質就唔係話彈牙果隻,點左個汁之後其實都蓋過晒d蝦味,都ok既.沙嗲串燒- 成晚呢個最差,叫齊猪牛雞來試,個面燒得唔夠香,肉又唔夠滑無咩汁,差左d炸蝦餅- 炸得好香,食落幾彈牙,唔錯!炭燒魷魚- 魷魚個面都燒得幾香,不過點左佢個汁就會蓋晒個炭燒味,反而點咖哩蟹個汁仲好食.環境方面: 街市大排擋,無要求啦! 唯一係個地板成晚係咁震...唔知平時係咪咁呢...服務方面: 大排擋都預左無乜架啦...唔趕人走食得開心無氣受就ok!價錢方面: 除左以上既食物,每人仲叫左4杯野飲,另因有朋友生日,除左3份,埋單每人$18x,都ok呀!
我地4個人叫左8樣野:
木瓜沙律- 第一口覺得幾辣,但食食下又覺得ok喎,酸酸辣辣咁好開胃!
泰式咖哩蟹- 個咖哩超好味!!蟹就好多膏,連個蟹蓋都頂晒膏,可惜就無乜蟹味,而且個汁好快就變凍,不過味道真係好好
蒜蓉包- 面頭有d蒜蓉粒,整得好香口,加埋咖哩蟹個汁來食,超好味!!一定要咁配搭
泰式通菜- 我個人唔係好食得辣,覺得辣左少少,不過都好味!
生蝦刺生- 蝦都算新鮮,肉質就唔係話彈牙果隻,點左個汁之後其實都蓋過晒d蝦味,都ok既.
沙嗲串燒- 成晚呢個最差,叫齊猪牛雞來試,個面燒得唔夠香,肉又唔夠滑無咩汁,差左d
炸蝦餅- 炸得好香,食落幾彈牙,唔錯!
炭燒魷魚- 魷魚個面都燒得幾香,不過點左佢個汁就會蓋晒個炭燒味,反而點咖哩蟹個汁仲好食.
環境方面: 街市大排擋,無要求啦! 唯一係個地板成晚係咁震...唔知平時係咪咁呢...
服務方面: 大排擋都預左無乜架啦...唔趕人走食得開心無氣受就ok!
價錢方面: 除左以上既食物,每人仲叫左4杯野飲,另因有朋友生日,除左3份,埋單每人$18x,都ok呀!
張貼
