雲長小龍坎老火鍋 (已結業)

又同幾個邊爐友去尖咀開左無耐既小龍坎分店打邊爐，勁正! 因為好方便住係九龍既我。 一嚟到先點過鳶鴦鍋，有麻辣同埋蕃茄味嘅湯底再將鴨血同醉雞先倒入鍋中餚製。醉雞嘅肉質好滑嫩，當然麻辣味有一啲蓋過咗醉雞嘅酒味。鴨血好滑又唔易散，吸左湯汁特別惹味。朋友點左黃喉本身無味既黃喉係麻辣湯中滾20秒極度爽脆，辣得過隱! 牛立花，四四方方，一粒一口落鍋3分鐘撈上脂與肉香氣均勻，又嫩又香口! 鬼馬油炸鬼，唔知仲以為係炸豬扒香口小食! 即炸紫菜響鈴每卷都好薄脆，每口都疊上紫菜香氣，好味非常。尖椒皮蛋個辣汁帶酸好香，皮蛋係糖心既，一食落去就覺得好滋味。 其實我地都點左唔少火鍋配料，最後都食到飽飽，食物質素依然非常好。最後喺佢哋facebook打卡讚好仲送甜品， 我哋揀咗紅糖糍粑。 一上嚟見到一隻隻圓碌碌有啲似蠶蛹，好鬼得意， 淋上紅糖食落口煙煙靭靭， 細細隻又唔會太過膩滯， 唔錯。