黃珍珍泰國菜館 (已結業)

星期五公司Lunch 例牌到黃珍珍，雖然指定動作都係個幾味，但係都保持到水準。不過老闆娘食齌，咁可以食乜呢？o吾緊要，黃珍珍幫到你。先黎素食派：淨滷蛋清湯河、炸豆腐、麵醬油麥菜、黃咖哩雜菜、走肉式泰式炒粉(應該是炒貴刁）要一讚侍應哥哥，可能黎得多，清湯河o吾記得走肉都無話就咁夾走Ｄ魚片，o吾該哂！炸豆腐上次同今次都炸得好金黃，不過見到間離檯過Ｄ就非常loan.另外令我再三加添食o既係炒得好有鑊氣o既泰式炒粉。花生碎加埋少許清檸汁，oh no! 真係停o吾到口！至於雜食派就有沙爹雞串、海南雞教祭品。兩樣都太普通，身為教徒o既我未能感應到神靂的召喚。仲可以食埋甜品：芒果糯米滋&椰汁芒果糯米飯。可惜遇o吾o岩芒果當造，呢次有D酸。