尚鮮海鮮料理 (已結業)

呢間係cwb 嘅火鍋🍲店 地理位置好方便聽講呢間啲湯底集係好正幾飲嘅😍今次就嗌左鮮牛肝菌昆布湯同血池麻辣湯 自己舀醬料 都係平時個啲蒜蓉 辣椒 蔥 豉油～ 等緊個陣都聞到好香嘅湯味 到個湯黎左之後 緊係要飲啖先啦 牛肝菌果個就清甜啲 麻辣果個聞落好辣 飲落就唔算 辣度大約係平時嘅中小辣啦 都ok 今次嗌左手切牛邊位 墨魚滑 羽衣甘藍 蟹皇餃 大花甲 啲野食都冇令我失望 花甲份量唔算太多 不過就隻隻都大粒連入面都大 好正粒粒都冇沙 夠鮮甜 👍🏻墨魚滑就好彈牙 唔似平時個啲淋淋 好爽係 配上血池麻辣湯 好過癮！牛邊位有啲雪花但唔會肥之餘食落好有牛味 唔洗點醬都夠味 同埋份量比想像中多 蟹皇餃就好足料 入面真係食到有蟹味 同埋就算淥耐左 都唔會爛皮 呢樣值得一讚 而羽衣甘藍就好特別 冇試過打邊爐食佢就試下 口感都幾得意 好爽 唔會奇怪