微酵烘焙 (MOKO新世紀廣場) (已結業)

今日同媽咪喺新世紀行街，唔知係咪好耐無行過呢，原來開咗好多新野😍喺地下果層見到哩間麵包店，仲要勁多人喎🤩🤩原來係買髒髒包，爆珠包，即係依家潮流好興嗰啲麵包🥰🥰聽就聽得多啦，食就未食過🤫🤫最後我俾嗰好得意既「章魚大哥」吸引左決定同媽咪買幾嗰麵包返屋企嘆下，實在太多選擇了吧最後買左「朱古力髒髒麵包」「香軟肉鬆包」「芝士金磚」「章魚大哥」「芝士火腿牛角」排隊俾錢嘅時候先發現原來仲有嘢飲買，即刻同媽咪一人買咗一杯「日式抹茶藍芝士奶蓋」同「台茶18號紅玉」，仲可以自由選擇甜度，因為我唔飲甜野既。番到屋企即刻食我嗰「章魚大哥」，賣相可愛，條腸仔好搞笑，「朱古力髒髒麵包」好重朱古力味道，好鬆軟嘅麵包，重點係一定要食到成隻手都係朱古力先叫治癒，「芝士金磚」「芝士火腿牛角」係媽咪話要買既，芝士迷佢媽媽不停讚話好食🤪「日式抹茶藍芝士奶蓋」堅係好濃郁既抹茶，配埋芝士奶蓋，我好鍾意飲呢個。