影片
更多
2007-04-10
32 瀏覽
長假期最後一日已經一早俾我鍾意唱K嘅媽咪約定由下午茶時段唱到夜晚. 佢選擇九龍城廣場一來貪佢有得泊車,二來因為冇咁方便,人會少d.前一晚打定電話book位,仲有booking number. 去到雖然都等咗一陣,但俾咗個二十人嘅party房我地四個,咩都抵哂啦,仲有投射大電視,獨立廁所,都唔錯. (因為佢本身唔係CEO,只有大房先有獨立廁所)由於假日關係,所以下午茶係$59一位包兩杯飲品,但就冇果盤,nuts收費. 我地都叫咗只係$12一款嘅下午茶餐. 咖哩薯餅沙律好味,因為好香咖哩味,而且又係我最愛嘅炸物,脆而不膩. 牛肉粒炒飯炒得幾乾身,以$12嚟講就係超值水準. 仲有煙肉蛋公仔麵我冇食,不過咁嘅價值,交足貨.六點後每人加$30就可以享用自助餐. 當然我就冇要求,為求醫飽個肚. 冷盤有荀,蓮藕片,冷麵,泡菜...有啲奇怪嘅組合. 好似仲有各款沙律. 湯類有洋蔥湯,冬瓜湯,碗仔翅,仲有海鮮粥.又有一個小焗爐俾你自助焗蒜蓉包. 熟食有炸蝦丸,咖哩角,燒肉,椒鹽三文魚魚頭(幾好味),炸雞棒,蒸魚,咸水角,炸雞卷,燒墨魚丸,豬扒,腐乳蒸雞,各款蔬菜,仲有好多,唔記得喇. 即燒串燒有豬,牛,
前一晚打定電話book位,仲有booking number. 去到雖然都等咗一陣,但俾咗個二十人嘅party房我地四個,咩都抵哂啦,仲有投射大電視,獨立廁所,都唔錯. (因為佢本身唔係CEO,只有大房先有獨立廁所)
由於假日關係,所以下午茶係$59一位包兩杯飲品,但就冇果盤,nuts收費. 我地都叫咗只係$12一款嘅下午茶餐. 咖哩薯餅沙律好味,因為好香咖哩味,而且又係我最愛嘅炸物,脆而不膩. 牛肉粒炒飯炒得幾乾身,以$12嚟講就係超值水準. 仲有煙肉蛋公仔麵我冇食,不過咁嘅價值,交足貨.
六點後每人加$30就可以享用自助餐. 當然我就冇要求,為求醫飽個肚.
冷盤有荀,蓮藕片,冷麵,泡菜...有啲奇怪嘅組合. 好似仲有各款沙律.
湯類有洋蔥湯,冬瓜湯,碗仔翅,仲有海鮮粥.
又有一個小焗爐俾你自助焗蒜蓉包.
熟食有炸蝦丸,咖哩角,燒肉,椒鹽三文魚魚頭(幾好味),炸雞棒,蒸魚,咸水角,炸雞卷,燒墨魚丸,豬扒,腐乳蒸雞,各款蔬菜,仲有好多,唔記得喇.
即燒串燒有豬,牛,羊,假蟹肉,雞卷,燒賣,腸仔,仲有燒扇貝. 旁邊又有辣魚蛋,豬紅,豬皮,蘿蔔.
另一邊好大範圍有四個電磁爐自助邊爐. 有麻辣同清湯底. 配料有各菇類,肉類,菜類,蝦,九肚魚,等等. 都幾得意,自己攞小小湯落煲仔度,加你鍾意嘅料,係度煲熟佢. 意外地個麻辣湯底都幾麻辣.
其實七點開始先有魚生,壽司,手卷,不過冇興趣食,唔食都估到質素係點啦,不過依然有好多人排隊.
食物水準一般,我冇要求嚟講都ok. 又唱又食到九點先收場,可以唱到泳兒,Kary,杏兒,Sammy,Twins嘅新歌,對我久休復出都算幾滿意.
張貼
