Boring?! (新都會廣場) (已搬遷) 新店位置

去完新都會廣場行街，見到間叫boring既餐廳，個名幾特別😳，環境夠光猛，就入去食啦，有朋友陪食飯就唔覺boring 🤣 晚市有幾款組合套餐可揀，價錢相宜，今次我就揀咗A+B+S 套餐👇 🔸️白酒煮青口 🦪隻隻都好大隻，煮完都唔會點縮水，食落鮮甜無渣，跟白酒煮係好配搭 🔸️明太子帶子意大利粉 🍝一碟得2隻帶子，唔夠喉，意粉軟硬適中，每條都沾上了忌廉明太子汁，再配埋鹹鹹香香的明太子，好味 🔸️香草牛油汁伴本菇燒春雞 🐔燒春雞有半隻既份量，熱辣辣，外層焗到金黃微脆，入面既雞胸都唔會覺得乾柴喎，旁邊有炸過既薯仔同埋菇，點少少碟上既香草牛油汁食易入口 🔸️士多啤梨奶昔 🍓我飲呢杯就覺得好飲啦，好香士多啤梨味，飲落又好幼滑 🔸️薄荷朱古力沙冰 🍫朋友話杯飲品好夠凍，十分消暑