影片
更多
2018-10-23
3659 瀏覽
呢間台式養生火鍋，分店開完一間又一間，今次開到黎將軍澳呢間酒店2樓，勁呀!每間分店都係同一樣裝飾，昏暗中帶點古色古香味道!呢度嘅特色養生湯底， 配料有多種藥材，唔係點叫養生?! 款款都吸引，依加仲設有雙拼湯底, 以較高價錢湯底收費， 同一時間可以試到2款湯底，咁就岩晒多心的我啦!麻辣鍋以多種香料及藥材，麻香夾惹味，特別加入鴨血， 辣度任你選 (小辣級就夠啦)， 仲加送多一份鴨血比你，份量都唔少架! 呢度嘅食鴨血口感嫩滑，似食緊果凍咁，唔會一夾就散開，真係食極都唔厭，配麻辣湯底真係好鬼正架! 但今晚呢鍋入面唔見有凍豆腐，其他分店食時係有嘅，無左呢個"索湯尤物"係度，失色左少少!另一邊為寧神養心鍋 ($168), 以川芎, 白芷, 天麻, 當歸, 鮮鷄, 豬肉及鮮魚淆成，滾起時已聞到好香藥材味! 有魚嘅湯通常都係奶白色，未食先飲頭啖湯，飲落好香藥材味，但又唔會過濃，入口舒服又好味， 真係好似一碗補身湯!"湯渣"有竹絲鷄及魚頭, 今次我"分配"到有鷄比，肉質烚完都仲係咁滑; 另外個魚頭煎香左一D都唔會腥, 魚雲又夠滑, 煲到D骨都腍晒， 幾咁有"火候"! 通常呢D"湯渣"點會有人食呀
每間分店都係同一樣裝飾，昏暗中帶點古色古香味道!
呢度嘅特色養生湯底， 配料有多種藥材，唔係點叫養生?! 款款都吸引，依加仲設有雙拼湯底, 以較高價錢湯底收費， 同一時間可以試到2款湯底，咁就岩晒多心的我啦!
85 瀏覽
1 讚好
0 留言
麻辣鍋以多種香料及藥材，麻香夾惹味，特別加入鴨血， 辣度任你選 (小辣級就夠啦)， 仲加送多一份鴨血比你，份量都唔少架! 呢度嘅食鴨血口感嫩滑，似食緊果凍咁，唔會一夾就散開，真係食極都唔厭，配麻辣湯底真係好鬼正架! 但今晚呢鍋入面唔見有凍豆腐，其他分店食時係有嘅，無左呢個"索湯尤物"係度，失色左少少!
66 瀏覽
0 讚好
0 留言
另一邊為寧神養心鍋 ($168), 以川芎, 白芷, 天麻, 當歸, 鮮鷄, 豬肉及鮮魚淆成，滾起時已聞到好香藥材味! 有魚嘅湯通常都係奶白色，未食先飲頭啖湯，飲落好香藥材味，但又唔會過濃，入口舒服又好味， 真係好似一碗補身湯!
46 瀏覽
0 讚好
0 留言
"湯渣"有竹絲鷄及魚頭, 今次我"分配"到有鷄比，肉質烚完都仲係咁滑; 另外個魚頭煎香左一D都唔會腥, 魚雲又夠滑, 煲到D骨都腍晒， 幾咁有"火候"! 通常呢D"湯渣"點會有人食呀, 但呢兩樣就係例外!
"LIKE佢Facebook及打卡仲有無酒精類飲品一杯請你飲" 估唔到呢個優惠仲有，當然要拎個電話比個LIKE先啦! 有著數嘢點會錯過呀?!
落好火鍋配料單就正式進入火鍋環節
先黎一客嘉美農場鷄肉 ($108)，支持本地鷄
嘉美農場鷄肉
31 瀏覽
0 讚好
0 留言
鷄肉無骨，入口嫩滑
餃類點了自家製極品水餃 ($42/半份)， 隻隻豬嘟嘟，烚完都成隻匙更咁大隻，晶瑩剔透可以睇到有咩餡料，有成隻蝦及饀料食到好香麻油味, 果真皮薄餡靚!
自家製極品水餃
25 瀏覽
0 讚好
0 留言
本來想叫牛胸爽，可惜又無貨返，改叫櫻桃鮮滑鴨片 ($88)，捲成一卷卷，肉色靚仔，略帶少少脂肪!
櫻桃鮮滑鴨片
28 瀏覽
0 讚好
0 留言
食起黎肉質幾滑，帶少少脂肪香味!
雜錦蔬菜盤 ($68) 一客有齊幾款蔬菜，份量都幾對眼，娃娃菜烚完腍甜，又有雜菇，金菇菜粟米， 樣樣有D! 每次都有少少唔同，今晚有秋葵就無粟米芯!
雜錦蔬菜盤
21 瀏覽
0 讚好
0 留言
潮州白魚蛋 ($42)有成12粒，相當見食，入口彈牙
潮州白魚蛋
41 瀏覽
0 讚好
0 留言
寬粉條 ($38)係我每次黎呢度都必叫嘅，無需烚好耐， 烚至透明色就食得，快過煮個即食麵，口感煙韌，加少少寧神湯就算無其他配料都可以食埋成碗!
寬粉條
42 瀏覽
1 讚好
0 留言
今晚呢一餐養生火鍋，又係食得開心又滿足!
張貼
