御品千の味刺身壽司專門店 (海寶花園) (已結業)

專登揸車去大埔，就係為咗支持呢間良心小店。今次試咗午市套餐，好抵食呀！一坐低侍應就遞上兩杯熱茶，好細心！我想講呢樣嘢雖然好普通，但我發現越來越少餐廳每一坐低就比杯茶你飲，所以好抵讚！角切魚生飯嘅魚生份量非常多，反而飯就比較少。起碼有五至六種魚生喺入邊，雖然全部都係頭頭美味，但係絕對鮮味同埋好肥美，唔會比魚生飯失色㗎。加錢可以配兩款小食，我揀咗櫻花卷同埋味螺肉，櫻花卷啲飛魚籽多到必晒出嚟，味螺肉正常水準。仲有沙律都唔錯，又係有我最愛嘅飛魚子喺入邊。老公食嘅魚生飯，佢話魚生非常之新鮮，尤其是蝦刺身，蝦頭入邊完全冇苦味。