影片
更多
2010-09-03
228 瀏覽
同朋友兩人去，因為當晚落大雨，所以幾乎得我地一檯客。其實呢幾年都黎過好多次，我唔係住大角咀都會耐唔耐突登走黎食，只因真係又平又好味，覺得係時候應該補返篇食評俾佢。同埋唔知起高鐵會唔會有影響呢？好擔心第時冇得食呀... 最愛香料孜然味，即叫即燒，自選辣度~肉類串燒羊扒**，必食，肉汁豐富 牛扒，本人不吃牛，但友人強烈推介，同樣肉汁豐富 (我睇見都好想食)20幾蚊就食到好味燒肉扒，一定要試！扒係用碟上，會俾刀叉你，good！羊肉串**，8蚊串，平平地又好好味，香料味濃，是相對貴的羊扒的代替品，可以食多幾串~牛肉串，友人話好好食~雞中翼，雖然比較普通咁，但燒得好好味~雞軟骨，同上~禾花雀，普通，但香港比較少見，未食過不妨試試，鰻魚**，極肥美，唔會乾爭爭，必食推介~墨魚圈**，爽口，香料味濃，必食推介~ 海中蝦，爽口甜美瓜菜類串燒極度欣賞佢燒d瓜菜燒得咁多汁，因為佢燒的時候不斷掃d汁上去，所以唔會乾食~ 食左咁多肉，要食返d瓜菜中和一下，一樣咁好味架，又平喎(冇記錯好似大約6蚊串)，食多幾串都唔怕~ 燒瓜菜需時較耐，最好一黎到就快d點左先~冬菇，好多汁，必食推介~翠肉瓜，好多汁，必食推介~勝
同朋友兩人去，因為當晚落大雨，所以幾乎得我地一檯客。其實呢幾年都黎過好多次，我唔係住大角咀都會耐唔耐突登走黎食，只因真係又平又好味，覺得係時候應該補返篇食評俾佢。同埋唔知起高鐵會唔會有影響呢？好擔心第時冇得食呀...
最愛香料孜然味，即叫即燒，自選辣度~
肉類串燒
羊扒**，必食，肉汁豐富
牛扒，本人不吃牛，但友人強烈推介，同樣肉汁豐富 (我睇見都好想食)
20幾蚊就食到好味燒肉扒，一定要試！扒係用碟上，會俾刀叉你，good！
羊肉串**，8蚊串，平平地又好好味，香料味濃，是相對貴的羊扒的代替品，可以食多幾串~
牛肉串，友人話好好食~
雞中翼，雖然比較普通咁，但燒得好好味~
雞軟骨，同上~
禾花雀，普通，但香港比較少見，未食過不妨試試，
鰻魚**，極肥美，唔會乾爭爭，必食推介~
墨魚圈**，爽口，香料味濃，必食推介~
海中蝦，爽口甜美
瓜菜類串燒
極度欣賞佢燒d瓜菜燒得咁多汁，因為佢燒的時候不斷掃d汁上去，所以唔會乾食~ 食左咁多肉，要食返d瓜菜中和一下，一樣咁好味架，又平喎(冇記錯好似大約6蚊串)，食多幾串都唔怕~ 燒瓜菜需時較耐，最好一黎到就快d點左先~
冬菇，好多汁，必食推介~
翠肉瓜，好多汁，必食推介~
勝瓜，個人認為冇翠肉瓜咁好食，因為皮厚，但大件d~
蒜心***，極度香口，多汁，呢個真係必食~!!!
九菜，未試過可以一試，唔係突別好味(d菜有時有d老)，但一圈圈串住黎燒好過隱~
鋪內有多種冰凍罐裝飲品~ 有幾乎消聲匿跡的楊協成~ 消熱氣呀~~~
環境方面，係響路邊開張接檯俾你架咋，平平地就唔好要求咁多，食煙朋友就可以開懷地食~ 而因為係舊區，街邊就一定會有小強架喇.... 怕咪唔好去囉，仲有，唔好expect個toilet乾淨。招呼方面，老細都好友善架，不過好多時人客多，掛住燒串燒好忙都唔得閒招呼~ 不過街坊鋪仔，自便得啦~
張貼