豐味蒸食

營業中

休息中

呢間店係無意喺小紅書見人介紹，懷住試伏心情去食，點知食完encore咗幾次，值得推薦。鋪頭雖然環境一般，d位都窄，而且位於街市，小小蚊蟲在所難免。首推腸粉，皮又薄又滑，而且唔會有米up味，落料都唔孤寒，鋪得好均勻，啖啖都有肉食。🥰另外蒸粉都好食，23蚊好大碟，辣菜脯辣得嚟又唔會太鹹，每次都會加3蚊加菜脯。仲有小米幾特別可以一試，蒸餃就普通。佢個菜單寫住招牌係豬手，但我就覺得味道一般。因為價錢合理又幾好食同埋鋪頭細，所以就算唔係食飯時間都可能要排隊。