黃金廚房

營業中

休息中

收工之後，梗係要去過深水埗食返個蒸氣海鮮放題！今次嚟嘅餐廳係深水埗嘅黃金廚房，地理位置都好方便喺黃金中心商場咋。首先，嚟咗日式刺身拼盤，刺身種類好多款，我鍾意嘅魚生、希靈魚都有，真係好鮮甜呀。而海鲜拼盤就更加豐富啦！拼盤有生猛龍蝦、活鮑魚、美國桶蠔、元貝、活海蝦，就咁睇個賣相都覺得吸引呀。海蝦超鮮甜，肉質又彈牙。鮑魚同埋美國桶蠔都好肥美，龍蝦仲啖啖肉添。仲有啲中式糕點可以食，鍾意食甜嘢嘅，我梗係要試佢哋嘅馬拉糕同薑汁糕，入口非常之鬆軟。肉類方面，仲有極品黑豚肉，豚肉肥瘦適中，入口軟腍，作為一個食肉獸，絕對好推介大家試吓🫶🏻