牛魔王清湯腩咖喱專門店

營業中

休息中

今日要去會展做野，忙左成日都未有時間食野，所以趁下午茶時間偷走，去春園街個邊搵食。見到呢間牛魔王好似幾好味咁，無諗咁多就入左去，叫左碗坑腩河粉試下。先講河粉，唔會煮到變糊，條條分明，夾起之後都唔會斷到一截截；湯汁唔會好鹹，飲落清清地咁，河粉吸左湯汁都唔會好鹹；坑腩大概有5-6件，每件都算大，眼望瘦中帶肥，入口有嚼勁，牛肉味比想像中濃郁，煮得入味之餘又調味適中，難怪有咁多人推介。坐係度食左半個鐘左右，已經聽到有3個人專程黎買黑白胡椒豬尾，好似好好味咁，下次可以黎試下。