影片
更多
2019-03-31
78 瀏覽
近排天氣凍返少少，就同朋友一齊打下邊爐，一早就聽聞養心殿既湯底養生又好味，所以我地就試下呢間。餐牌度有好多比較少見嘅菜式名，例如係：豬天梯、牛胸爽、新鮮雞拂、台灣水晶冰菜等等，本身想試下牛胸爽，但因為每日數量有限，我地落左單店員話賣哂，so sad惟有下次黎試。湯底方面，我地點左麻辣鍋同埋美人鍋，麻辣鍋可以免費追加鴨血一份，鴨血口感軟滑，配上麻辣鍋湯底非常惹味，如果唔係驚食唔哂其他野，我應該會再叫多份！至於美人鍋，未放野食落去之前，我已經飲左一碗湯，個湯好足料，用左烏雞、紅棗、枸杞，仲有富有骨膠原既桃膠黎熬製，味道清甜，補而不燥，搞到我一邊打邊爐一邊飲個湯，超正。不過，要彈嘅係個桃膠有d少，我同個fd每人得一啖份量，就冇哂，如果有多d桃膠會更好。由於擔心打邊爐食太多肉，我地就點左個蔬菜盤，菇同菜都有d，而d菜好新鮮翠綠，不過，粟米要早d放落去淥先得，如果唔係去到最後先淥，就會好似我地咁淥左好耐。呢度嘅雪花肥牛脂肪分佈得好平均，食落唔覺肥膩；手打丸好新鮮彈牙，我最愛嘅係芝士牛肉丸，一咬落去d芝士就咇哂出黎，芝士控必食；而手包魚皮餃都好好味。第一次食冰菜，坊間好多火鍋店都冇呢款菜，一淥完棵
近排天氣凍返少少，就同朋友一齊打下邊爐，一早就聽聞養心殿既湯底養生又好味，所以我地就試下呢間。
餐牌度有好多比較少見嘅菜式名，例如係：豬天梯、牛胸爽、新鮮雞拂、台灣水晶冰菜等等，本身想試下牛胸爽，但因為每日數量有限，我地落左單店員話賣哂，so sad惟有下次黎試。
湯底方面，我地點左麻辣鍋同埋美人鍋，麻辣鍋可以免費追加鴨血一份，鴨血口感軟滑，配上麻辣鍋湯底非常惹味，如果唔係驚食唔哂其他野，我應該會再叫多份！
至於美人鍋，未放野食落去之前，我已經飲左一碗湯，個湯好足料，用左烏雞、紅棗、枸杞，仲有富有骨膠原既桃膠黎熬製，味道清甜，補而不燥，搞到我一邊打邊爐一邊飲個湯，超正。
不過，要彈嘅係個桃膠有d少，我同個fd每人得一啖份量，就冇哂，如果有多d桃膠會更好。
由於擔心打邊爐食太多肉，我地就點左個蔬菜盤，菇同菜都有d，而d菜好新鮮翠綠，不過，粟米要早d放落去淥先得，如果唔係去到最後先淥，就會好似我地咁淥左好耐。
呢度嘅雪花肥牛脂肪分佈得好平均，食落唔覺肥膩；手打丸好新鮮彈牙，我最愛嘅係芝士牛肉丸，一咬落去d芝士就咇哂出黎，芝士控必食；而手包魚皮餃都好好味。
第一次食冰菜，坊間好多火鍋店都冇呢款菜，一淥完棵野表面有好多水珠，口感滑潺潺咁，咬落好爽脆，好特別。
響Facebook 簽到打卡會有野飲送，我就叫左杯杞子菊花玉露，飲落似菊花茶咁，唔太甜。
張貼
