影片
更多
2014-06-26
438 瀏覽
今日同粉絲喺公司做完野,諗住食少少野醫下個肚,又一X到都冇咩選擇,又記起有寶貝想換M記最新出的桔蒂公仔,於是就黎呢到諗住一舉兩得,8,9點去到仲要排隊~真係咩世界~?! 了解左買桔蒂公仔的方法,我地就開始買食品抬頭見佢有新出品,我份人最支持新創意~呢個時候當然要一試LA!世界盃足球辣鷄堡, - 一打開會發覺整個包由上至下的組合都係新鮮砌成的~加點醬放埋一齊入盒上枱,一睇就知佢地各有各喜好~一D都唔’熟’,做法唔重要~亦知道餐廳而家奉行即製以保新鮮,其實都係好事~唔洗D麵包比D肉汁搞到淋晒~!而今次最重點係佢由麵包到中間那片鷄肉都係凍冰冰~一D溫暖都冇, 足球麵包一D唔軟,硬實實~輕敲會發出卜卜聲… 更唔明白中間鷄肉部份係用乜野的煮法,可以令到佢由外至內都係乾到冇任何肉汁,咬入口到撕開的感覺就如食緊超抽乾水的鷄扒咁, 鷄肉絲可一條條咁扯開,超唔好食~新鮮的青瓜同生菜絲加點沙律醬係呢個包最可愛之處…芝士薯波 – 買套餐加錢買的新產品,一小芝士粒攝喺薯波入面一齊炸~一啖一個,滿以為會有一絲芝士拉出,結果係我諗得太多了~薯波唔熱的~芝士只係得一小點,唔好話拉出黎,想食得出都難~!冇味~一D都唔
又記起有寶貝想換M記最新出的桔蒂公仔,於是就黎呢到諗住一舉兩得,
8,9點去到仲要排隊~真係咩世界~?! 了解左買桔蒂公仔的方法,我地就開始買食品
抬頭見佢有新出品,我份人最支持新創意~呢個時候當然要一試LA!
世界盃足球辣鷄堡, - 一打開會發覺整個包由上至下的組合都係新鮮砌成的~加點醬放埋一齊入盒上枱,一睇就知佢地各有各喜好~一D都唔’熟’,做法唔重要~亦知道餐廳而家奉行即製以保新鮮,其實都係好事~唔洗D麵包比D肉汁搞到淋晒~!而今次最重點係佢由麵包到中間那片鷄肉都係凍冰冰~一D溫暖都冇, 足球麵包一D唔軟,硬實實~輕敲會發出卜卜聲… 更唔明白中間鷄肉部份係用乜野的煮法,可以令到佢由外至內都係乾到冇任何肉汁,咬入口到撕開的感覺就如食緊超抽乾水的鷄扒咁, 鷄肉絲可一條條咁扯開,超唔好食~新鮮的青瓜同生菜絲加點沙律醬係呢個包最可愛之處…
芝士薯波 – 買套餐加錢買的新產品,一小芝士粒攝喺薯波入面一齊炸~一啖一個,滿以為會有一絲芝士拉出,結果係我諗得太多了~薯波唔熱的~芝士只係得一小點,唔好話拉出黎,想食得出都難~!冇味~一D都唔好食~
香辣鷄翼 – 一打開~發現又一唔熱之作~唔期望佢熱得出煙,但求唔好凍冰冰~外皮部份算係炸得脆同乾身,但可能放得太耐又涼左,感覺上覺得好油膩..
薯條 – 感覺同薯波一樣都係唔熱的~一條條軟淋淋…感覺好油膩唔好食~,
其實對快餐食品都唔會有太高要求~但係作為一間油炸食品流量咁高的地方~
又未夠鐘閂門,真係唔明點解可以乜都咁凍~乜都淋晒
對自己公司最新的出品質素咁冇要求…講到尾,真係客人的錯~錯在忍耐能力真係太高~!
總括黎講..對快食的餐廳黎講,我應先放下自己的要求及幻想..真心希望佢地他日可以有所進步
店舖的洗手間設備當令人滿意~~男女各一大格,常有服務員出出入入清理~算係乾淨又唔迫!!
題外話/補充資料：
諗起呢到的點餐服務…唔知係佢地僱用的90後唔夠投入定係唔夠經驗
為我點餐的服務員妹妹真係好似晚上9點都未睏醒,
聽唔清楚我講乜手腳慢都算LA..仲要落錯單~~將原先我點的足球鷄堡餐,佢就聽錯做普通鷄堡餐,我發現之後叫佢轉返,佢仲要問我’’而家你係咪要轉做新的鷄堡餐??!!’’’ 嘩..我有冇聽錯???真係我而家先轉嘛???定係阿妹你早就聽錯呀?!! 仲要我行返埋位拎返錢出黎補返條尾數~雖然餐廳話大唔大,話細都唔細~要米之連客人咁行來行去~始終唔係咁好啊~我明白呢到冇收我加一服務費…咁不如下次等我自己入去廚房整埋好過LA!!
(以上食評乃用戶個人意見 , 並不代表OpenRice之觀點。)
張貼
