金樂軒雞煲魚鍋

營業中

休息中

五月了，雖然最近天氣好熱，但雞煲都係會照食！！今次黎到一間雞煲小店，除左雞煲，仲有魚鍋食，同埋有好多款唔同既小食、熟食選擇，價錢都幾親民的我地首先叫一個脆皮炸大腸，開一開個胃先。呢個小食係店員推介的，炸大腸炸得好香口，同埋洗得乾淨，肚滿腸肥。中間加左一條蔬菜，食落無咁油膩，比較清新。之後就黎一個老重慶奇妙雞煲啦，一黎就香噴噴，大大份。d雞係幾入味的，配料都幾多，適合一班人一齊食。食哂d雞，就轉做打邊爐，個湯愈滾愈辣，我地都叫左唔少配料，鵝腸、羊肉片、紅薯粉、魚滑、午餐肉等，其實都叫得有d多！當中 午餐肉係厚切的，成塊扒咁，啖啖肉架，d羊肉都幾靚的，同埋最深印象係粒手打魚滑好大粒，好得意。成餐食左好多肉落肚，都幾滿意，尤其份量好充足，同埋坐得幾舒服，唔似連鎖店咁坐到好迫。有機會再黎試下其他小食。