越北牛肉粉專門店

營業中

休息中

打完波和波友去太安樓地下越北牛肉粉專門店飲下午茶。越北下午茶套餐多選擇又抵食，又不用加一，多街坊捧場。越北生牛肉湯粉必食，湯底鮮甜河粉滑，牛肉分量足又鮮味，大大碗無欺場。順化香茅牛肉飯大大碟，飯香甜有咬口，牛肉片夠味道又香口，不用醬汁都好食。街頭香茅豬扒飯也是招牌推介，豬扒炸得香仍保持肉汁，甜甜地好開胃。每個下午茶套餐可優惠價追加小食一款。河內炸春卷用生菜包住吃好味道，蚬港炸蝦餅弹牙，清沅蒸粉包輕盈有特色。熱奶茶夠香濃，好飲過好多茶餐廳。