秋香螺螄粉 (已結業)

葵涌廣場3樓不嬲都多野食，呢間餐廳未行到入去，遠處已經聞到好大陣「螺酸」味，有啲人覺得好香，愈臭愈愛；有啲人覺得好臭仲好憎，要兜路走😅中意食呢款麵好極端… 就好似榴連咁😛而我曾經係屋企煮，間屋臭足兩日，見佢平時黃金時段晚飯時間排晒長龍，今次出去幫襯下呢間小店呢個叫炸蛋🥚，估唔到咁好食，香脆酥軟，吸入濃湯更入味，叫螺絲粉必點✅柳洲螺絲粉：微辣口味，配料有酸筍、腐竹（豆腐皮）、木耳、花生等。份量幾大碗，食唔晒，麵質煮得剛剛好，幾好味食完之後，我個頭連續都有螺絲粉既味道😵，建議大家食前著啲唔好咁吸味既衫，如果唔係，陣味有排都唔散🤣。