金記冰室 (已結業)

呢間懷舊冰室佈置完全係童年回憶，我嘅童年唔知同唔同你一樣啦。牆上有最老土嘅玩棋底紙，另外側邊仲有西瓜波⋯⋯好有心思的格局我叫左邪惡的炸雞脾沙律，個雞脾好大隻好厚身都炸得透，而且好脆、好乾身，唔會一啖油，好難得我食晒全部雞皮，實在忍唔住！個沙律主要係薯仔、粟米粒同埋菠蘿。另外仲有個牛腩咖喱飯，個咖喱濃度好高，好有港式風味，冇加椰汁，而且都夠辣。我估小朋友係食唔到。大熱天時嚟到呢度，冷氣夠凉，座位都算OK，食物又有質素，非常值得再來。