影片
更多
2021-12-23
404 瀏覽
聽就聽過好多次，上次嚟未開，今次終於試真身！收工後大約六點半到達，晚飯時間堂食都坐full咗，門口等外賣嘅就更多，都幾多街坊支持。招牌海南雞油飯雞脾位肉真係好滑溜又唔會浸到好淋身，雞胸又唔會鞋或乾柴，咬落去有淡淡白肉香又juicy。值得一讚係雞皮！真係好彈彈，唔會太厚身，薄薄又彈口嘅雞皮先好食😋點解可以咁彈😱真係有嘩一聲！海南雞喇沙米線海南雞如上咁好食，但個米線都有驚喜！唔知佢用邊隻，但好彈口，比一般稍微幼身，又係好好咬，值得一試。個湯底算中上，比較冇咁甜但有奶香，微微辣易入口。想試嘅朋友要留意營業時間，啲雞賣曬就冇㗎啦～
收工後大約六點半到達，晚飯時間堂食都坐full咗，門口等外賣嘅就更多，都幾多街坊支持。
招牌海南雞油飯
雞脾位肉真係好滑溜又唔會浸到好淋身，雞胸又唔會鞋或乾柴，咬落去有淡淡白肉香又juicy。值得一讚係雞皮！真係好彈彈，唔會太厚身，薄薄又彈口嘅雞皮先好食😋點解可以咁彈😱真係有嘩一聲！
海南雞喇沙米線
海南雞如上咁好食，但個米線都有驚喜！唔知佢用邊隻，但好彈口，比一般稍微幼身，又係好好咬，值得一試。個湯底算中上，比較冇咁甜但有奶香，微微辣易入口。
想試嘅朋友要留意營業時間，啲雞賣曬就冇㗎啦～
11 瀏覽
0 讚好
0 留言
張貼
