養心殿台式養生鍋 (已結業)

今次我同好朋友考試合格梗係要食返餐好西慶祝下啦。養心殿已經係我地既慶祝必到地點，所以已經一早book定時間去食。我地就襯住7點前埋單有半價去食嘅。一坐低我地就已經叫左美人鍋同酸菜白肉嘅鴛鴦鍋。好掛住佢啲桃膠，烏雞同白肉啊仲有一定要叫嘅就係鴨血，肥牛同手打丸。等食期間就去調醬嘅地方整油碟。今次個湯底依然無令人失望，個湯底非常濃郁，湯料亦非常充足，真係好抵。唯一失望嘅地方就係冇麻辣牛肉餃同芝士牛肉丸，希望下次可以食返啦。