鮨雄 (已結業)

又係星期日,平時少啲過中環,不過今次專程過去同朋友食一餐,因為有大半年冇去啦,睇下有乜新意思。上到去同以前差不多,即係話唔使等,一定有位。咁都好,可以安心品嘗美食。間老板最近有乜好食,佢話返咗隻新和牛,叫做“飛騨牛”去年係當地岐阜縣得過獎咁話, 同時香港好似佢哋先有得食! 我問係真唔係? 佢就走去攞張證書出來比我睇,呵!原來真係堅嘢。咁我就話先嚟個刺身先啦。之前我有講過,要知道和牛好唔好,就先要食刺身。不一會,刺身送上。唔! 顏色唔錯,鮮紅通透,但我同老板講,呢隻唔係A5喎,佢唸都唔唸就話係呀,呢隻係 A4 ,佢話唔返 A5 係有原因嘅,叫我哋試吓先啦! 咁我就面頭嗰片放入口中,冇用到酸汁。發覺佢嘅溫度適中, 肉中脂肪就被口中嘅溫度溶化,好似食緊一片甘香嘅牛油,冇乜嘢留底,真係唔錯。因為牛肉刺身,溫度係好重要,太冰會黏住你條脷,唔夠凍,就好似軟咆咆,無哂口感。轉頭和牛刺身食完,跟隨一客左口刺身,賣相都唔錯,一句講哂,鮮甜爽脆,雖然冇河魨咁甜,但已唔錯啦!最後再嚟飛驒牛 sabu sabu, 到現在先知道佢地唔返 A5 牛嘅原因,就係食完一鍋,表面都冇乜油出現。而家明哪, 健康啲喎! 冇