榴蓮王 (已結業)

夏天又係榴槤最旺嘅季節，最好食嘅就梗係可以食到新鮮嘅榴槤啦，甜品製品對我來講亦都係一個唔錯嘅選擇。之前睇雜誌介紹呢到有好嘢食，所以嚟到呢一度試一試佢嘅榴槤甜品。姐姐話所有嘅甜品都會係即製嘅，所以等咗大概10幾分鐘先至會有得食，雖然耐咗啲，但係即刻整嘅我深信係會好食啲嘅。榴槤班戟嘅味道真係唔錯，個班cake皮嘅厚薄適中。入邊嘅榴槤餡呢就有少少凍冰冰嘅感覺，味道非常之濃，真係貓山王。一份有兩件30幾蚊，勝價比高。另外一個榴槤拿破崙，個人嘅感覺就覺得中等，雖然係中間嘅榴槤嘅榴槤味道都係好香。但係拿破崙同榴槤嘅配合到始終都係爭啲感覺，拿破崙嘅餅味搶咗榴槤嘅香。