鼎豐雞煲泰國菜 (已結業)

老豆想食雞煲，呀媽又想食泰國野，我醒真係搵到間兩樣野都有！而且佢係小有餐廳坐得咁舒服，因為地方大👍🏻坐低睇左Menu勁多選擇，泰國野當然係夠多，火鍋配料都相當多！結果係我地今次集中食泰國嘢先，下次再食佢果個好吸引既椰青湯底嘅雞煲😋泰式生蝦刺身$132呢個真係食泰國嘢必食，但係我知好多間餐廳都係用雪藏嗰隻🤮。呢度一食就知唔係雪藏嘅。肉質彈牙冇腥味，仲有新鮮蝦嘅味道甜甜地！泰式海南雞半隻$148泰國海南雞最好食就係嗰塊雞皮🥰，好滑好爽口又夠味，最重要係佢去咗骨啖啖肉。泰式豬頸肉飛天炒通菜$88通菜本身炒得好惹味，但略嫌太多水！豬頸肉比較淋身，味道有少少辣，所以兩樣加埋一齊都好夾！ 泰式椰汁雞湯$98裏面都好足料，有雞有啲菇咁！味道非常之香濃，椰子同雞真係好夾！味道係酸酸地咁，因為太細嘅關係可能有啲香茅同埋青檸，非常之開胃！龍眼冰$36店員極力推介龍眼冰，佢話龍眼冰係每日都係自己煲！good,真係冇乜化學香料嘅味！椰清$48嚟到泰國嘢梗係必定必定要叫椰青，我嘅椰青都幾大個都算抵飲，冰凍嘅椰青大力啜一啖勁爽。