點點心點心專門店 (已搬遷) 新店位置

晨七咁早就俾媽咪叫左起身，話要同我一齊去飲早茶。媽咪都係聽人講呢間唔錯先話要嚟。不過去食完之後我都覺得幾好食啵 蝦餃有四隻，蝦餃皮好薄好晶瑩剔透，可以見到入面噶鮮蝦，咬一啖見到入面幾乎全部係蝦，起碼有三四隻係入面，真係好正吖！啖啖食落口都有鮮蝦包圍著你噶感覺真係好！ 豬仔包，個賣相十分得意，令人一見到佢就會愛上佢。而且入面係流沙餡，咬一啖包啲餡就會流落黎，好似啲蛋漿咁，金黃金黃色，好靚 每個包噶餡都會俾好多，而且外層噶包新鮮軟熟，熱辣辣咁 蟹子燒麥，啲蟹子俾超多，而且好大粒，真係好襯翻果幾粒燒賣，一樣咁大肉質鮮美，食落去唔會好多肥肉