影片
更多
2022-08-27
812 瀏覽
幾經波折終於搵到呢間開業一個月左右嘅小店（話晒都叫做黎過西營盤好幾次但都仲係唔太記得點樣行）本身出左去B1出口，行錯左去第一街個邊結果問番人先知原來西邊街，下一條係正街，再下一條就係東邊街了到我搵到東邊街，結果只係見到單數號嘅店舖，原來雙數又喺另一度......最後終於搵到了，老闆娘好好人，佢話下次mtr可以喺A1出口轉右行過黎會近D，同埋佢話今日多數D客人去晒堅尼地城個間little cove, grand opening後嘅第一個星期六日（好在我喺佢上星期soft opening已經幫襯左）櫥窗放左多枝本地手工啤，不過本人唔飲酒所以冇叫全店唔算話有咩特別打卡位，相信較特別嘅係牆上面放左一個個架，擺左唔少餐具器皿仲有個叫做打卡位應該係我咁啱好彩坐緊嘅木梳化位，可以坐到兩個人，一大一細嘅圓枱仲有樽花放喺度，影相啱晒今次我先試左甜品先，揀左baked rice pudding，原來係西班牙甜品老闆娘話呢個係改良版，個甜品係焗嘅，有點似中式酒樓嘅焗荔芋西米布甸，米用左意大利米所以口感煙韌一點，上面放左帶點微酸嘅橙片，平衡番布甸嘅甜度，再喺上面整左焦糖，口感又豐富左第一次食呢款甜品感覺唔錯，
本身出左去B1出口，行錯左去第一街個邊
結果問番人先知原來西邊街，下一條係正街，再下一條就係東邊街了
到我搵到東邊街，結果只係見到單數號嘅店舖，原來雙數又喺另一度......
最後終於搵到了，老闆娘好好人，佢話下次mtr可以喺A1出口轉右行過黎會近D，同埋佢話今日多數D客人去晒堅尼地城個間little cove, grand opening後嘅第一個星期六日（好在我喺佢上星期soft opening已經幫襯左）
櫥窗放左多枝本地手工啤，不過本人唔飲酒所以冇叫
全店唔算話有咩特別打卡位，相信較特別嘅係牆上面放左一個個架，擺左唔少餐具器皿
仲有個叫做打卡位應該係我咁啱好彩坐緊嘅木梳化位，可以坐到兩個人，一大一細嘅圓枱仲有樽花放喺度，影相啱晒
今次我先試左甜品先，揀左baked rice pudding，原來係西班牙甜品老闆娘話呢個係改良版，個甜品係焗嘅，有點似中式酒樓嘅焗荔芋西米布甸，米用左意大利米所以口感煙韌一點，上面放左帶點微酸嘅橙片，平衡番布甸嘅甜度，再喺上面整左焦糖，口感又豐富左第一次食呢款甜品感覺唔錯，讚！
咖啡就揀左Latte，但冇得揀豆只有nutty，較大眾化D，後尾問番先知其實都有flat white, cappuccino，只係冇寫出黎.......
下次應該會嗌番flat white，同埋一定要試下佢嘅主菜coffee carbonara（呢度主打都係手工意粉）老闆娘亦告知會不定期轉下餐牌，包括甜品，但都以手工意粉為主
張貼
