ROOM 309 (已結業)

又貴又難飲 。仲要喺隔離 Envoy 幫襯一個鐘頭一人，叫杯嘢飲先至可以入嚟 。之後呢度最低消費每人250。 如果好飲都冇所謂，四個人揀咗好耐，終於兩個叫 Daiquiri, 一 個叫 Butter Beer, 一個叫咗杯 Banana Mocktail. Butter beer 完全同Harry Potter嘅唔同味 。人地應該係 Butterscotch 即係有牛油糖 caramel 加cream soda 咁上下 。佢呢個係威士忌加啤酒加煮溶咗嘅牛油，難飲到飛起。兩杯 Daiquiri, 一杯叫咗最平嘅Rum, 一杯叫咗最貴嗰隻 。兩杯都係稀呢呢，得個酸味 。又係難飲到極 。杯 banana mocktail, 原本應該有加冧酒，因為朋友要揸車，叫佢整 Virgin. 杯飲品來到，又係稀呢呢 。同 bartender 講，可唔可以比少少朱古力糖漿，吊吊味，唔知點解bartender 顧左右而言他，好不願意 。之後話因為原來recipe 唔係咁 。就比咗粒白朱古力我個朋友加入去 。我哋大家一人飲咗兩啖，冇晒癮，唯有起身離開 。埋單4個人飲野$1200 ，一共坐咗 1.5 小時 。