蘭芳園 (已結業)

趕時間又想食個早餐，嚮信德中心唔知食乜好就求其入咗去蘭芳園度食喇。其實都知係遊客野，預咗會貴少少。講真，都貴出面一大截我都算啦，當試下囉。貴唔係問題，唔好食兼份量細先係問題。我地兩個人去食既，我叫茄火腿通。拿咁係真係有茄既，但個湯唔見得特別出色，通粉少，又淋，真心唔知浸咗幾耐。個多士係鬆化既，但呢樣野其實佢唔洗點準備都得啦。朋友既炸魚柳先精彩啊，細塊到我地都打個突，睇下張相就知，同支餐叉個面一樣長咋！真心一隻手拍都長得過。你成本高既我寧願係加價啦，四十蚊食一啖，你當個個都小鳥胃？係，裝修係好舊香港好有特色啊，一定吸引到旅客。但人地唔係淨係食環境架嘛。比啲低質野比遊客食，影衰哂香港既特色早餐。