Gull's Kitchen (已結業)

同朋友去開荃灣，有人話要食中東野，誤打誤撞就入咗呢間故事Gulls kitchen。黎到中東餐廳，當然要食啲特色嘅嘢啦，我哋一行四人都叫咗唔小嘢食：千島海鮮薄餅、芝士薄餅、咖哩海鮮、雞肉kebab、魚肉炒飯、garlic Nann...《千島海鮮薄餅》Pizza係無預計過甘大件，好抵食！皮薄，火候岩岩好，餅底好脆。餅面足料，好多芝士，好香濃。整體黎講，質素唔錯，而且價錢平坊間平很多。《咖啡海鮮拼薯條》咖哩汁唔算好濃好杰，幾香香料味。海鮮都好足料，食極都有。只係製作方面可能差少少，去唔清雪味。《雞肉kebab》雞肉kebab都係好大件，一開二夠兩個人食。餅皮入面係滿滿既雞肉同生菜，可以雞汁唔夠滑，扣左少少分。《魚肉炒香飯》呢個都幾令人眼前一亮。魚肉預先炸過，保留到肉汁。飯係特式既印度長香米，而唔係我地食開既白米。炒飯好有口感，好特別，配埋佢地既香料，好似真係食到當地既味道甘。整體黎講，食物唔算非常出色，但都不過不失，有好食既，都有要改善既。但店主態度誠懇，招呼周到，價錢亦都非常相宜，一人幾十蚊就飽到上心口。閒時想轉下口味，都不失為一個好選擇。