影片
更多
2023-01-15
346 瀏覽
寫食評係一個值得繼續嘅小堅持！睇返紀錄即刻知原來對上一次食呢間（嘅前身）係一年前一月頭！個次係禁晚市堂食前最後一餐，估唔到取消晒啲疫苗通行證之後又嚟呢間（雖然唔同咗⋯)座位唔係好多，但係都有好多顧客keep住嚟。我係一個貪心嘅人三小碗選擇好多，可以一次過試到多種口味，所以叫咗三小碗食！份量啱啱好，類似酒店自助餐排隊裝嗰啲，唔係得幾條，價錢又實惠，平民大眾化。仲要每小碗都俾埋一隻匙羹你，好方便。我係順次序由清湯食到濃啲嘅冬陰功湯底嘅。牛丸好彈牙，清湯就咁飲真係清啲，但係肉眼睇就同船湯顏色差唔多。豬頸肉大大件！外表睇落似油炸鬼，食落煙煙韌韌好香口，仲有啲芽菜、香蔥。冬陰功湯底充滿濃濃嘅香茅味，好泰國feel！除咗自己點嘅扎肉，仲有車厘茄，而且有好多菇。不過個冬陰功湯食嘅時候要小心啲辣椒籽，因為都真係有啲辣🥵酸辣無骨鳳爪沙律有洋蔥絲、紅蘿蔔絲、生菜同芫荽，少少酸，唔會太辣，好好食，呢個價錢（$22）值得加一份嚟試吓啊，下次仲想試埋青木瓜沙律正宗泰式海南雞飯擺盤好靚，啲飯好有泰國米with椰漿嘅感覺，隻雞好似黃油雞咁，食得出係雞髀肉，唔使掂醬都已經好好食，但係有少少鹹，相比之下三小碗比較出色肚
座位唔係好多，但係都有好多顧客keep住嚟。我係一個貪心嘅人三小碗選擇好多，可以一次過試到多種口味，所以叫咗三小碗食！份量啱啱好，類似酒店自助餐排隊裝嗰啲，唔係得幾條，價錢又實惠，平民大眾化。仲要每小碗都俾埋一隻匙羹你，好方便。
我係順次序由清湯食到濃啲嘅冬陰功湯底嘅。
牛丸好彈牙，清湯就咁飲真係清啲，但係肉眼睇就同船湯顏色差唔多。
豬頸肉大大件！
外表睇落似油炸鬼，食落煙煙韌韌好香口，仲有啲芽菜、香蔥。
冬陰功湯底充滿濃濃嘅香茅味，好泰國feel！除咗自己點嘅扎肉，仲有車厘茄，而且有好多菇。不過個冬陰功湯食嘅時候要小心啲辣椒籽，因為都真係有啲辣🥵
酸辣無骨鳳爪沙律有洋蔥絲、紅蘿蔔絲、生菜同芫荽，少少酸，唔會太辣，好好食，呢個價錢（$22）值得加一份嚟試吓啊，下次仲想試埋青木瓜沙律
正宗泰式海南雞飯擺盤好靚，啲飯好有泰國米with椰漿嘅感覺，隻雞好似黃油雞咁，食得出係雞髀肉，唔使掂醬都已經好好食，但係有少少鹹，相比之下三小碗比較出色
肚餓嘅關係，我地仲點咗個泰式豬肉生菜包。雖然已經配埋生菜，但個人覺得都係偏鹹，好彩叫咗嘢飲
見到呢個活動都幾得意，星期六、日有個競食挑戰賽，原來上榜有$120 禮券送，冠軍仲有得全年免費食麵！
幾飽嘅一餐，不過我覺得如果有埋甜品就好啦
張貼
