鼎豐雞煲泰國菜 (已結業)

最近天氣涼番，所以最岩去食雞煲，不過呢到特別在係有埋泰國菜! 雞煲有分半隻/全隻，有招牌麻辣，仲有泰式風味，今次就食到半隻招牌麻辣雞煲，份量都幾多，雞件全部都好滑，其實上台個陣都接近熟曬，可以好快食得，店員會幫你兜下佢，再炒埋，我地叫左BB辣，不過炒個陣都聞到好攻鼻，好香! 原來而家叫雞煲，仲會送細肥牛! 另外我地都叫左D泰菜，肉碎炒飯好香，撈埋蛋汁食更好味!仲要好大碟下! 串燒拼盤可以自選雞/牛/豬，我地就想每樣都食下，所以叫左各2串，個沙嗲醬好濃花生味。馬拉盞炒通菜比想像中大碟好多，炒得好惹味。泰式奶茶都好好飲，幾正宗，好大杯！