影片
更多
2021-12-27
609 瀏覽
自從大班樓攞咗獎之後，Book枱超級難。排咗幾個月隊，終於又有得黎食🤣兩個人食飯，大概早一個星期就確認咗餐牌，諗住食啲招牌菜之餘，再試下啲新菜式。鴨盒: 呢度菜次次黎都會叫，入面係鴨肉同芋泥，出面就係炸到非常之鬆脆嘅脆皮。咬落去非常鬆脆，而且完全唔油。入邊嘅餡又做到非常之燙心。加埋少少黑醋食就冇咁膩。唔錯唔錯~九層塔炒蜆: 今次又encore 呢個炒蜆🤣因爲真係好好食，蜆肉大隻多肉非常新鮮，全部開晒口。加上香濃嘅茄汁加Tabasco味，熱辣辣非常香口美味！份量兩個人食啱啱好，唔洗爭😆九層塔既香味好出，真係勁香！必點前菜之一！臭豆腐: 今次第一次試新菜式臭豆腐，呢個真係點得冇錯！全餐飯最鍾意就係呢個臭豆腐！呢個臭豆腐係用蜂巢豆腐造。個皮炸到非常之香脆，入面豆腐嘅口感又一層一層軟林林咁樣，相信出邊絕對食唔到同款臭豆腐！臭豆腐本身個調味已經做到好足，就咁食已經好好食。但係佢另外配埋海鮮醬同甜醬，個人我更加鍾意海鮮醬！同海鮮醬一齊食有啲似食水煮魚嘅感覺，正！呢個臭豆腐我下次一定會再叫！咕嚕肉: 唔好睇佢細細碟，但其實比肉嘅份量都幾多。而且豬肉有啲似係豬頸肉定唔知係梅頭🤣 總之就係完全韌而且脂肪
兩個人食飯，大概早一個星期就確認咗餐牌，諗住食啲招牌菜之餘，再試下啲新菜式。
鴨盒: 呢度菜次次黎都會叫，入面係鴨肉同芋泥，出面就係炸到非常之鬆脆嘅脆皮。咬落去非常鬆脆，而且完全唔油。入邊嘅餡又做到非常之燙心。加埋少少黑醋食就冇咁膩。唔錯唔錯~
鴨盒
30 瀏覽
0 讚好
0 留言
九層塔炒蜆: 今次又encore 呢個炒蜆🤣因爲真係好好食，蜆肉大隻多肉非常新鮮，全部開晒口。加上香濃嘅茄汁加Tabasco味，熱辣辣非常香口美味！份量兩個人食啱啱好，唔洗爭😆九層塔既香味好出，真係勁香！必點前菜之一！
九層塔炒蜆
38 瀏覽
0 讚好
0 留言
臭豆腐: 今次第一次試新菜式臭豆腐，呢個真係點得冇錯！全餐飯最鍾意就係呢個臭豆腐！呢個臭豆腐係用蜂巢豆腐造。個皮炸到非常之香脆，入面豆腐嘅口感又一層一層軟林林咁樣，相信出邊絕對食唔到同款臭豆腐！臭豆腐本身個調味已經做到好足，就咁食已經好好食。但係佢另外配埋海鮮醬同甜醬，個人我更加鍾意海鮮醬！同海鮮醬一齊食有啲似食水煮魚嘅感覺，正！呢個臭豆腐我下次一定會再叫！
臭豆腐
55 瀏覽
0 讚好
0 留言
咕嚕肉: 唔好睇佢細細碟，但其實比肉嘅份量都幾多。而且豬肉有啲似係豬頸肉定唔知係梅頭🤣 總之就係完全韌而且脂肪分布好平均。而且咕嚕肉嘅炸粉唔會太厚，味道酸酸甜甜。
蔥油小線雞: 兩個人唔知點解會叫咗半隻雞😂結果都係食唔晒要打包。雞皮做得非常之嫩滑，雞肉都好軟懦。而且大部份骨都係去除咗，食起上黎唔使㖮骨。味道方面有啲鹹香，對比起其他菜式比較平實。可能廣東人做雞嘅方法實在太多🤣所以覺得呢隻雞做得唔係特別出色~不過當然都係好食嘅。
蔥油小線雞
33 瀏覽
0 讚好
0 留言
榨菜肥牛潤腸煲仔飯: 冬天點可以唔食煲仔飯🤣今次叫咗肥牛另加潤腸，上到嚟唔算好大煲飯，兩個人食又食得晒喎。肥牛好明顯食得出係靚牛肉，脂肪分布極平均，而且完全沒有根！另外加咗潤腸，煲仔飯嘅熱力將潤腸嘅香味完全發揮左出嚟，好好食。最後餐廳安排左個蜆湯俾我地浸煲仔飯飯焦做泡飯，蜆湯超級鮮甜，加埋飯焦脆卜卜，出奇地好食！簡直係全餐飯既彩蛋！
榨菜肥牛潤腸煲仔飯
22 瀏覽
0 讚好
0 留言
魚湯腐竹白果浸菜: 呢個浸菜清清地，睇落去平平無奇，不過魚湯真係有好濃郁既魚味。加埋油炸鬼浸落去一齊食，別有一番風味。每次來都會叫呢個菜。跟住忍唔住飲晒啲湯🤣
魚湯腐竹白果浸菜
22 瀏覽
0 讚好
0 留言
甜品: 杏仁茶 山楂桂花糕
今次冇食到雪糕，食返啲招牌甜品。個人比較鍾意山楂桂花糕🤣
杏仁茶 山楂桂花糕
17 瀏覽
0 讚好
0 留言
總括黎講，今次嚟食大班樓每度餸都好好食，尤其係新試既臭豆腐同埋泡飯都好impress! 要排咁耐先有得食係有原因既！下年book定枱，要再食埋魚頭同花雕蒸蟹先得！
(Price: lunch $1400/2pax.)
張貼
