正品小館 (已結業)

又黎放低小朋友兩公婆撐下枱腳既時候了～估唔到正品有咁多海鮮食～仲好多選擇Tim!首先叫左個豉椒花甲～好惹味～夠新鮮，又唔會太辣～勁快清哂成碟，佢地仲會畀定隻碗你放榖，咁唔駛食到成枱都係丫ma!服務唔錯～跟住叫左半隻海南雞，真係勁好味～好滑！我連d酸蘿蔔都食哂！講真自己一個都食得哂！不過點都要留番d畀老公食既！十個讚好耐無飲過d滋潤既湯水，平時自己煲親都係去下濕，依個杏汁花膠湯就正了，飲完都覺得好補～好岩女仕飲！而老公就叫左個杏汁豬肺湯，其實味一樣，不過轉左豬肺,老公都飲到一滴無剩～再黎就係黃金蝦仁，送飯一流～又唔會太咸，蝦又爽口，唔錯再黎就係蒸蠔喇～真係好飽滿，隻隻都大大隻～佢畀左d醬料可以點黎食或就咁食都得，任君選擇～其實食到le度已好飽下，但忍唔住又叫左石蟹，細細隻岩哂我地咁飽咁食～好清甜～下次要再黎試下其他小菜先得～