潮福蒸氣石鍋 (已結業)

今日同男朋友又去左食蒸氣鍋！雖然上個星期先食完！但鬼叫小妹我又要減肥又係個不節不扣既海鮮控咩潮福既蒸氣鍋真係好正！係火鍋地方用地毯！難得既係佢又唔會污糟！係乾淨無污積架地下！講返佢地既服務先！同出面既蒸氣鍋好唔同既係佢地既員工係一對一或一對二服務！幫你預到啲蒸野食時間岩岩好！一出場既就係盅仔湯，火候十足、味道濃郁！之後有潮福的燒乳鴿，同埋蒜香蒸龍蝦！講真清蒸龍蝦既玩法真係不得了！蝦肉唔硬，係軟、鮮、甜！貝殼類都好鮮甜！有海水味添！上次食完蝦丸念念不忘，今次梗係唔少得食返夠本！蒸汽鍋精髓就係佢個粥底海鮮同肉汁嘅精華盡在其中！小妹我應該會繼續encore 潮福😂