英都燒味廚房

營業中

休息中

我覺得黃大仙鳳凰新村一帶，最好食一定係燒味飯。今日我同朋友去食，我叫咗乳豬叉燒飯。先講乳豬，外皮趣卜卜，乳豬肉多肥少，輕輕點小小乳豬醬同白飯一齊食，冇得頂。 跟住試一啖叉燒，大啖咬落去，果然個片叉燒肉肥瘦適中，叉燒又淋又滑，醬汁惹味，香香甜甜，真係冇得彈。相比其他燒臘店，嚡熠熠或者琳back back叉燒肉，又或者乾爭爭、肥嘟嘟乳豬，嗰啲真係貼錢買爛受，只會食到個胃好辛苦。呢間燒臘咁好食、咁有水準，聽講燒味係自己廚房出品，同其他街舖比較，應該唔係中央工場、都唔係交貨。大熱天時，燒味店居然有自家製清涼飲品，凍薏米檸檬水，食完碟飯，飲杯薏米水，清清涼涼又健康，真係覺得好舒服。整體嚟講燒味師傅真係有水準！食材夠新鮮，值得一讚！