Chop Chop 食神叉燒 (宏安道) (已結業)

由於小朋友非常鍾意食叉燒，所以特登嚟呢度買外賣去東岸公園picnic。餐廳賣點係由周圍搵緊初戀嘅戴龍師傅主理，食神叉燒飯係豬腩肉加煎蛋，盛為$85 ，包餐湯嘢飲。我叫咗梅頭肉叉燒飯，$60，外賣加兩蚊，不包括湯及嘢飲。叉燒飯賣相造型係OK嘅，但係份量真係非常之少，大概六七片好薄嘅叉燒，如果係成年人的話，一定係靠食晒個飯先至夠飽。而呢一個份量，我個四歲小朋友都嫌叉燒唔夠多🤦🏻‍♂️。至於味道方面，佢唔係唔好食，但係又未至於係食神級。總括嚟講下次應該唔會再黎。