味苑燒鵝餐室

營業中

休息中

Item: 味苑燒鵝餐室
Rating: 4
Author: mattmattsak

Yummy Catering (Group) Limited

40 食評

味道

環境

服務

衛生

抵食

1054

荃灣

$101-200

粵菜 (廣東) 燒臘中菜館咪嘥嘢食店

資訊:
餐廳:	味苑燒鵝餐室

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign

mattmattsak

等級3

我係荃灣人，又係叉燒之鬼，香港最出名嘅叉燒我都食過。叉燒最好果樣野就係平又得，貴又得。讀書果陣十蚊一個叉燒飯，就好似火雞姐對食神嘅一飯之恩咁。貴嘅，好似大班樓果d食完大叫精彩又得。講起星爺，黯然銷魂飯就真係佢發明，都係我叉燒癮起，走出街必叫嘅飯！黎到荃灣嘅味苑燒鵝餐室，真係唔好意思，咁岩係叉燒癮起無視左燒鵝，果陣心諗，咁近我隨時黎試都得！所以我諗都唔諗就叫左黯然銷魂飯。食叉燒都講運氣，唔同位唔同肥瘦都影響成件事嘅結果。個飯上到枱份量都好足！係香氣四溢嘅！叉燒就稍稍瘦左少少，但不至係柴皮，都油潤有光澤。值得一讚就係我最鍾意呢種一粒肉一粒肉痴住少少肥嘅叉燒！個人建議呢間黯然銷魂飯嘅食法係多少少汁，因為佢個醬油係出色，少少糖，好香！之後我會喜歡夾爛成隻蛋黎食。一來個蛋係剛好熟，蛋汁多。二來碎哂加埋飯同個豉油，本身唔洗叉燒都可以食哂。加埋叉燒仲得了？成個餐加埋個老火湯同凍檸茶70蚊落樓。價錢就中上啦！我認為稍稍有點貴。如果可以平多少少，我相信係荃灣咁激烈嘅競爭都可以話穩陣！個friend食油雞，我唔好油雞就冇試到了。下次會再黎試埋佢個燒鵝。叫得做燒鵝餐室應該唔會失禮啦！不過真係要讚！有湯飲！其

我係荃灣人，又係叉燒之鬼，香港最出名嘅叉燒我都食過。叉燒最好果樣野就係平又得，貴又得。讀書果陣十蚊一個叉燒飯，就好似火雞姐對食神嘅一飯之恩咁。貴嘅，好似大班樓果d食完大叫精彩又得。講起星爺，黯然銷魂飯就真係佢發明，都係我叉燒癮起，走出街必叫嘅飯！

黎到荃灣嘅味苑燒鵝餐室，真係唔好意思，咁岩係叉燒癮起無視左燒鵝，果陣心諗，咁近我隨時黎試都得！所以我諗都唔諗就叫左黯然銷魂飯。食叉燒都講運氣，唔同位唔同肥瘦都影響成件事嘅結果。個飯上到枱份量都好足！係香氣四溢嘅！叉燒就稍稍瘦左少少，但不至係柴皮，都油潤有光澤。值得一讚就係我最鍾意呢種一粒肉一粒肉痴住少少肥嘅叉燒！

個人建議呢間黯然銷魂飯嘅食法係多少少汁，因為佢個醬油係出色，少少糖，好香！之後我會喜歡夾爛成隻蛋黎食。一來個蛋係剛好熟，蛋汁多。二來碎哂加埋飯同個豉油，本身唔洗叉燒都可以食哂。加埋叉燒仲得了？成個餐加埋個老火湯同凍檸茶70蚊落樓。價錢就中上啦！我認為稍稍有點貴。如果可以平多少少，我相信係荃灣咁激烈嘅競爭都可以話穩陣！

個friend食油雞，我唔好油雞就冇試到了。下次會再黎試埋佢個燒鵝。叫得做燒鵝餐室應該唔會失禮啦！不過真係要讚！有湯飲！其實食叉燒飯有湯飲真係緊要，加分。