美胃餐室

營業中

休息中

美胃餐室主打燒味飯，之前試過滑招牌滑蛋叉燒飯，滑蛋夠滑，叉燒夠甜，加上甜醬油撈飯，味道不錯。今次第二次幫襯，朋友話燒腩仔不錯，所以今次叫了個雙拼燒味飯，選了燒腩仔同薰蹄飯，燒腩仔皮夠香脆，瘦肉不會硬，食得出幾新鮮，一塊塊燒腩仔大小適中，一口一塊，燒腩仔質素不錯，但係薰蹄不太好味，薰蹄酒味太重，我覺得薰蹄精粹係爽脆咸鮮的豬皮，呢度薄皮同瘦肉不例不太好，豬皮太薄不爽口沒有存在感，瘦肉太多而且有點鞋口，瘦肉不太夠味，成片薰蹄食落如食白灼瘦肉，薰蹄不推薦。燒味飯會奉送例湯，例湯質素倒是不錯，不重味精，但食材味道濃郁有飲住家湯的感覺，另外，叫飲品如叫汽水會跟一杯冰底，不怕汽水不夠凍，大熱天時汽水加冰夠消暑。