影片
更多
2015-02-23
1237 瀏覽
貓兄尋日吹雞約食飯, 估唔到一吹即響, 無他嘅, 鑽媽係唔係都唔出嘅, 今次理由係囝要考試, 剩返台山四寶就易辦事...初時貓兄提議去排隊食韓菜, 龍媽唔想排隊反建議食老趙, 勾起我模糊的記憶, 剛出來社會打工時, 唔知邊個生日, 好似係拉大隊去文苑街老趙食晚飯, 當時覺得位置非常偏僻, 走咁遠水路, 食物又唔係話好好食, 仲要衛生同服務都極有待改善, 印象很差... 後來... 好似過多2年無敵生日又提議去山林道老趙食晚飯, 記憶中地點就腳得多, 衛生好一點, 但食物味道未至好到要專程坐車去食...今日, 無人生日, 只係純友誼飯局, 台山四寶的友誼始於台山, 好, 大家一齊用台山話唱返支「友誼之光」先!!!♫ 人生於世上有幾個知己多少友誼能長存 ♫ 嘿... 我地一齊走過的人生路, 竟高達人生的85%, 真係講出來都嚇親自己...是夜重點 : 水貨客交收貨物!!! 嗯... 點解你地隔山買牛買極都樂此不疲?!! 配服, 配服!!!龍媽訂咗枱7:00PM, 我6:50PM去到, 店員唔比我入座... 暈陀陀咗2日, 唔想企係街等, 走咗去對面松記糖水打算補充糖分, 不過, 未落單已經
貓兄尋日吹雞約食飯, 估唔到一吹即響, 無他嘅, 鑽媽係唔係都唔出嘅, 今次理由係囝要考試, 剩返台山四寶就易辦事...初時貓兄提議去排隊食韓菜, 龍媽唔想排隊反建議食老趙, 勾起我模糊的記憶, 剛出來社會打工時, 唔知邊個生日, 好似係拉大隊去文苑街老趙食晚飯, 當時覺得位置非常偏僻, 走咁遠水路, 食物又唔係話好好食, 仲要衛生同服務都極有待改善, 印象很差... 後來... 好似過多2年無敵生日又提議去山林道老趙食晚飯, 記憶中地點就腳得多, 衛生好一點, 但食物味道未至好到要專程坐車去食...
今日, 無人生日, 只係純友誼飯局, 台山四寶的友誼始於台山, 好, 大家一齊用台山話唱返支「友誼之光」先!!!
♫ 人生於世上有幾個知己
多少友誼能長存 ♫
嘿... 我地一齊走過的人生路, 竟高達人生的85%, 真係講出來都嚇親自己...
是夜重點 : 水貨客交收貨物!!! 嗯... 點解你地隔山買牛買極都樂此不疲?!! 配服, 配服!!!
龍媽訂咗枱7:00PM, 我6:50PM去到, 店員唔比我入座... 暈陀陀咗2日, 唔想企係街等, 走咗去對面松記糖水打算補充糖分, 不過, 未落單已經被龍媽捉返出來... 龍媽殺入老趙, 同店員講話其餘2人10分鐘內到, 直接入座... 勁!!!
結果, 自稱10分鐘內到的KaKaMa, 遲咗20分鐘以上... 約人出來的貓兄, 仲7點幾先離開公司, 不過佢有苦衷, 唔怪佢...
熱青檸可樂 $25
-- 暈咗2日, 唔敢飲凍飲,第一次試飲青檸煲可樂, 又幾好飲喎, 甜甜地, 無晒氣, 淡淡的青檸香...
牛油雞翼 (4隻) $68-- 原來... 無影相!!! 可能因為太肚餓, wakakaka... 肥嘟嘟, 勁香牛油味, 脆脆地, 熱辣辣, 好好味, 4隻我隊咗2隻,呵呵~
咖喱牛腩飯煲 $70
-- 好好好味呀!!! 真真正正的港式咖喱!!! 咖喱好香濃, 夠杰身, 唔辣, 有椰香, 牛腩同牛筋份量足, 百分百愛上, 我叫咗個白飯來撈, 打算每人食4份1個飯, 初時個個都耍手擰頭, 結果食食吓個個都走去打果碗白飯主意, 一早知你地想食啦, 連你地自己都唔知, 呢D咪就係友情囉, 嘿嘿...
烘蒜蓉麵包 (6片) $30
-- 甘香鬆脆, 撈咖喱好滋味, 其實就咁食都好好味, 好香蒜蓉味, 6片唔夠喉...
香煎蝦餅 $75
-- 唔彈牙仲要落咗我Dislike的香料, No Good, 我比較鐘意炸得脆口的圓形蝦餅...
椒鹽軟殼蟹 $98
-- 好好味, 熱到辣嘴, 椒鹽味恰到好處, 軟殼蟹足料, 炸得香脆, 沒有多餘油份, 正...
馬拉盞炒時菜 $45
-- 芥蘭苗好幼嫩, 無草青味同苦澀味, 馬拉盞好香, 不會過鹹, 掂...
沙爹鮮蝦炒米粉 $70
-- 我覺得味道麻麻, 不過KaKaMa好鐘意... 炒得都幾均勻... 可能因為太多我Dislike的椰菜, 影響印象...
白加士街真係好方便, 地鐵站一出過一個街口就到, 成條街都係食店, 以後應該都會經常來...
店內無裝修可言, 只係2排座位, 坐椅一點都不好坐, 衛生只達可接受水平, 食具係快餐店款式, 服務尚可, 但係咖喱真係好正, 價錢亦大眾化, 希望佢可以繼續經營落去, 等我地20年後再來見證台山四寶的友情歲月!!!
張貼
